Napatay ang anum ka turista kag isa ka piloto matapos mag-crash ang isa ka helicopter sa Mount Ololokwe sa sentro nga bahin sang Kenya.
Wala pa makumpirmar ang nasyonalidad sang piloto kag mga pasahero, suno sa Aircraft Accident Investigation Department.
Suno sa Kenya Civil Aviation Authority (KCAA), naghalin ang helicopter sa isa ka wildlife conservancy sa Loisaba kag padulong kuntani sa Ewaso Nyiro, isa ka suba nga nagaagi sa pila ka national reserves.
Nagtuga sa aksidente ang Eurocopter EC130 B4 kag ginakoordinar sang KCAA ang mga operasyon sa lugar.
Bangud wala pa malab-ot ang crash site, gani nagagamit sang mga drone ang Kenya Red Cross para ma-assess ang lugar.
Manguna ang transport ministry kag Air Accident Investigations Department sa imbestigasyon sa mga sirkumstansya sang aksidente.
Kilala ang Samburu County bilang isa ka popular nga destinasyon sang mga turista bangoud sa mga wildlife conservancy kag matahom nga talan-awon sini.
