Dako ang bulig sang Confidential and Intelligence Funds kun usaron ini sang insakto sang isa ka opisyal agud nga mamonitor ang mga malain nga plano sang lawless groups sa isa ka lugar kag pamahog sang mga terrorista kag rebelde nga grupo sa isa ka banwa. Ini ang nangin kabahin sang pahayag ni Atty.Antonio Bendita- Former Mayor sang Surallah, South Cotabato sa interview sang Bombo Radyo Koronadal.
Suno sa iya, dako ang mahimo sang Confidential and Intelligence Funds agud nga amligan ang ikaayo sang mga pumuluyo sa isa ka banwa labi na sa tion sang kapiyestahan kag mga selebrasyon sa diin madamo sang mga pumuluyo nga naga guwa. Dugang pa sini, naga kaangay man gid nga tagoon sang isa ka opiyal ang mga identity sang iya nga mga ahente nga naga dul-ong sang mga sensitibo nga operasyon agud nga mapanalipdan ini batok sa mga lawless elements kabangdanan nga nagakadapat nga may mga safehouses ang mga ini agud nga luwas ang ila nga pagpanerbisyo.
Apang ginpahayag man ni Atty. Bendita nga nagakaangay nga usaron sang insakto ang Confidential and Intelligence Funds para sa benepisyo sang publiko kag ini mahimo magasto sa kun anu man nga mga kasadyahan ukon pampulitikal nga mga rason. Ginpahayag man sini nga dapat ma-liquidate sang maid-id ang mga ginkadtuan sang kwarta agud nga indi ma-kwestyon sang Commission on Audit sa tion nga mag chekyar ang mga ini.
