Pinal na ang rematch sa tunga sang duha ka bantog nga mixed martial artist nga sanday Joshua Van kag Alexandre Pantoja.
Suno sa ginpaguwa nga fight details sang Ultimate Fighting Championship (UFC), matabo ang ila pag-atubangay sa Crypto.com Arena sa Los Angeles sa Setyembre 19 sang sini nga tuig.
Ang 24-anyos nga si Van isa ka flyweight champion kag may yara sang win-loss record nga 17-2.
Nakuha niya ang 125-pound title sang Disyembre 2025 matapos mapierde si Pantoja paagi sa first-round technical knockout (TKO).
Nagdugay lang sang 26 ka segundo ang amo nga sambuwan matapos mag-antos si Pantoja sang arm injury bangud sa agresibo nga mga sumbag ni Van nga bag-o pa lang nga challenger.
Pagkatapos sang iya madinalag-on nga sambuwan, liwat naman nga nagsabak si Van sa isa ka match sang Mayo 2026 kontra kay Tatsuro Taira.
Natapos ini pabor kay Van paagi sa fifth-round TKO.
Sa pagbalik sang 36-anyos nga Brazilian legend nga si Pantoja, dala niya ang record nga 30-5.
