-- ADVERTISEMENT --
Nagpadayon ang maayo nga performance ni Earnest John “EJ” Obiena matapos niya makuha ang bulawan nga medalya sa Halberstadter Hohenflug, 1st International Pole Vault Meeting nga ginhiwat sa Cathedral Square, Halberstadt, Germany.
Sa kompetisyon, nalabawan ni Obiena ang 5.76 metros sa iya una nga challenge, nga naghatag sa iya sang top spot sa napulo ka mga atleta nga nagkompetensya.
Nakuha naman ni Seifeldin Abdelsalam sang Qatar ang silver nga medalya matapos malabawan ang 5.66 metros, samtang si Cole Walsh sang Estados Unidos ang nag-angkon sang bronze pinaagi sa iya 5.56 metros.
Ini na ang ikatlo nga bulawan nga medalya ni Obiena sa sini nga outdoor season, kasunod sang iya mga kadalag-an sa Austria kag Poland.
