Magapadala sang subpoena ang National Bureau of Investigation (NBI) sa pila ka opisyal sang Philippine Southeast Asian Games Organizing Committee (PHISGOC) sa Lunes, Hulyo 20.
Suno kay NBI Director Melvin Matibag, yara na sa iya ang listahan sang mga opisyal nga padal-an sang subpoena, lakip ang chairman, president kag incorporator sang kumpanya nga nalakip sa pagtukod sang kontrobersiyal nga New Clark City Sports Complex sa Tarlac.
Ginpahayag ni Matibag nga kabahin ini sang fact-finding investigation sang NBI sa pag-usar sang pondo nga ginpain para sa 2019 Southeast Asian (SEA) Games.
Ginpasiguro man sang opisyal nga imbestigaran kag panuhugutan ang tanan nga mapamatud-ang may kaangtanan sa nasambit nga proyekto.Ginpahayag man niya nga posible nga mapatawag si DPWH Secretary Vince Dizon bilang kabahin sang imbestigasyon.
