Indi magnubo sa 13 ka tawo ang napatay sa nagkalainlain nga pag-atake sang Russia kag Ukraine sa nagligad nga adlaw.
Sa bahin sang Ukraine, gintarget sang Russia ang mga siyudad sang Zaporizhzhia, Odesa, Kharkiv, Sumy, Donetsk, kag Kryvyi Rih, nga nagresulta sa pagkapatay sang mga sibilyan kag pagkaguba sang mga establisemento.
Sa pihak naman, ginpahayag sang Russia nga isa ka sibilyan ang napatay sa Belgorod region bangud sa shelling nga ginapatihan nga gikan sa Ukraine.
Suno sa mga report, naggamit ang Russia sang guided bombs, missiles, kag drone attacks, nga nagbilin sang malapad nga kadaot kag nagpilas sa masobra 50 ka tawo.
Samtang, sa Odesa, naigo sang missile strike ang isa ka sibilyan nga imprastruktura, samtang tatlo ang napatay sa aerial bomb attack sa Sumy region.
Samtang, gin-angkon sang Moscow nga gintarget man sang Ukraine ang pila ka cargo ships sa Sea of Azov nga ginagamit sa pagtransportar sang agricultural products kag suplay pakadto sa Crimea.
Suno sa United Nations, ang Hunyo 2026 amo ang may pinakamadamo nga napatay nga mga sibilyan halin pa sang Abril 2022.
Padayon nga nagalala ang inaway sang duha ka pungsod nga nagalawig na sang masobra ka tuig.
