Gin-insister sang Malacañang nga dapat atubangon ni Senador Rodante Marcoleta ang legal nga proseso sang iya ginapangatubang nga kaso nga plunder.
Suno kay Palace Press Officer Undersecretary Claire Castro nga ang kaso ni Marcoleta ang nag-ugat sa iya mismo pag-ako nga nakabaton sia sang P75 million gikan sa tatlo ka donors sang nagserbe ini nga Congressman.
Pahayag sang tagpamaba nga ang kaso wala nagatuyo nga pamalabagan ang Senador agud indi sini maduso ang iya kawsa batok sa korapsyon ilabi na ang ginaalegar anomaliya sa flood control.
Gintumod pa sini nga ang imbestigasyon sa flood control projects sang gobyerno ang wala lang nakadepende sa isa ka tawo.
Nanawagan man si Castro kay Marcoleta nga magsunod na lang sa legal nga proseso imbes nga magpatigayon sang protesta.
