Mangin benepisyaryo sa Tulong Panghanapbuhay sa Ating Disadvantaged/Displaced Workers (TUPAD) sang Department of Labor and Employment (DOLE) ang mga pamilya sang mga Overseas Filipino Workers (OFW) nga apektado sang magnitude 7.8 nga linog nga nag-igo sa Mindanao.
Ini ang nangin pahayag ni DMW XII OIC-Regional Director Samsudin T. Lintongan sa interview sang Bombo Radyo Koronadal.
Suno sa iya, naga padayon sa subong nga assessment kag evaluation sang ila nga talatapan sa mga pamilya sang OFW nga apektado sang kalamidad agud nga mabuligan ang mga ini sa pagbangon kasunod sang naglabay nga kalamidad.
Dugang pa sini,nagdangat na sa 182 ka mga pamilya sang mga Overseas Filipino Workers (OFW) ang na refer na sang ila nga pamunuan sa Department of Labor and Employment (DOLE) kag nakabaton na sang benepisyo sang TUPAD.
Magluwas pa diri nagapagkig-angot man ang ila nga talatapan sa pamunuan sang Technical Education and Skills Development Authority (TESDA) kag talatapan sang Overseas Workers Welfare Administration (OWWA) agud nga makahatag sang ila nga bulig sa mga pamilya sang OFW nga na-apektuhan sang kalamidad.
Ginpahayag man sini nga bukas ang talatapan sang Department of Migrant Workers Region XII sa pagbulig sa mga apektado nga pamilya sang mga OFW kag kinahanglan lang makuha sang mga ini ang importmasyon sang mga pamilya agud nga matumod ang bulig, ukon assistance nga mahatag sang concerned agency.
