Ginlakip suno pa sa isa ka U.S.–Iran framework agreement nga nagatuyo nga tapuson ang kinagamo sa Middle East ang isa ka dako nga private investment fund nga nagakantidad sang ginabulubanta $300 bilyon.
Suno sa isa ka source nga may direkta nga kahibalo sa kasugtanan, ginatuyo sang amo nga pondo nga mangin insentibo agud makab-ot ang kumpleto nga kalinong sa tunga sang Estados Unidos kag Iran.
Ginapahayag nga gin-commit na sang nagkalain-lain nga kompanya halin sa Estados Unidos, Gulf countries, Asya, South America, kag Africa ang sobra sa katunga sang pondo.
Ginatutukan sang pondo ang mga sektor kasubong sang enerhiya, transportasyon, manufacturing, kag logistics.
Ginreport nga ang “Reconstruction and Development Fund” indi maggamit sang pondo sang gobyerno sa baylo isa lamang ka private investment vehicle.
Ginalakip man sa plano ang posibilidad sang pautang kag pagpondo para sa pagkay-o sang mga imprastruktura sa Iran nga napinsala sang girra, lakip ang mga pasilidad sa industriya kag transportasyon.
Ginlain man ini sa iban nga negosasyon bahin sa pagluwag sang sanctions kag pag-access sa frozen assets sang Iran.
Samtang, wala pa ginakumpirma sang Estados Unidos ang amo nga investment fund.
