Indi magnubo sa 12 ka tawo ang napatay matapos magtibusok ang isa ka eroplano malapit sa Butler Memorial Airport sa siyudad sang Butler, Missouri sa Estados Unido.
Suno sa Missouri State Highway Patrol, lakip sa mga nautasan sang kabuhi ang 11 ka skydivers kag ang piloto sang eroplano.
Sa inisyal nga imbestigasyon sang mga awtoridad, wala sang may nakaluwas sa amo nga aksidente.
Padayon nga ginasusi sang mga imbestigador ang posible nga kabangdanan sang pagtibusok sang eroplano samtang ginahimo ang mas madalom nga imbestigasyon sa lugar sang insidente.
Ang Butler nahamtang mga 60 milya sa idalom sang Kansas City, Missouri.
Sa pihak nga bahin, nagapakig-angot na ang nagakaigo nga mga ahensya sa mga pamilya sang mga biktima agud maghatag sang nagakaigo nga bulig samtang nagapadayon ang imbestigasyon sa sini nga trahedya.
