BIR, Ginpalawig ang Tax deadline para sa mga lugar nga naapektuhan sang Magnitude 7.8 nga linog sa Mindanao

Gin-extend sang Bureau of Internal Revenue (BIR) ang tax deadlines para sa mga lugar nga naapektohan sang pagtay-og sang magnitude 7.8 nga linog sa Mindanao.

Sa idalom sang Revenue Memorandum Circular No. 62-2026 sang BIR, ang pag-file sang tax, pagbayad, kag pagsumiter sang dokumento nga una nga gintalana sa Hunyo 8 tubtob 29, 2026 ginsaylo sa Hunyo 30.

Ang nasambit nga extension ang iga-apply lamang sa taxpayers nga nakarehistro sa South Cotabato, General Santos City, kag Sarangani province.

Tinutuyo sini nga mabuhin-buhinan ang palas-anon sang mga negosyo kag residente sa Southern region nga apektado sang linog.