Posible magpasugot si President Ferdinand Marcos Jr. sa panawagan para sa isa ka special session agud mag-convene ang mga mamalidha para mapasar ang mga polisa sa ila sine die adjournment, suno sa Malacañang.
Ini matapos mapaslawan ang Senado nga mag-tackle sa ginaduso nga hagna kag kumpirmasyon sang pila ka general.
Natabo ini isa ka adlaw matapos ginkilala sang Malacañang si Sen. Sherwin Gatchalian bilang bag-o nga Senate president pro tempore kag de facto leader sang chamber matapos ginsuportahan sang 12 ka mga senador ang iya liderato.
Suno kay Communications Undersecretary Claire Castro, gilayon nga magahulag ang presidente kun magpadala sang official request ang bag-o nga liderato.
Pahayag pa niya, indi luyag si Marcos nga ma-atrasar ang trabaho sa Senado kag possible ma-aprubahan ang official request nga may valid grounds.
Base sa Article VI Section 15 sang 1987 Constitution, ang presidente lang ang naga-isahanon nga government official nga mahimo magpatawag para sa isa ka special session ano man nga tion.
