Nagapangasubo subong ang OPM alternative rock band nga Sleep Alley matapos ginkumpirmar sang banda ang pagtaliwan sang ila bokalista kag miyembro nga si Aly Pagaduan.
Ginpakigbahin sang banda ang makasusubo nga balita pinaagi sa isa ka social media post kag ginkaragway si Pagaduan bilang importante nga kabahin sang sang pundasyon sang grupo.
Suno sa Sleep Alley, indi lang musikero si Pagaduan sa baylo isa ka abyan nfa naghatag sang inspirasyon sa banda pinaagi sa iya talento, creativity, kag paghigugma sa musika.
Suno sa grupo, dako ang nangin ambot niya sa pagkreer sang identity sang banda kag pagpakigbahin sang ila musika sa mga listeners kag supporters.
Apang wala ginsapubliko sang grupo ang kabangdanan sang pagtaliwan sang ila isa ka miyembro, kag ginsiling sang grupo nga magapabilin nga buhi ang memorya ni Pagaduan sa pinaagi sang mga kanta nga ila nakreer kag ang mga tawo nga iya naimpluwensyahan.
Kadungan sang pag-anunsyo sang pagtaliwan ni Pagaduan, ginpahayag man ni Sleep Alley nga dayon na nila nga takupon ang ila journey bilang banda.
Nagpasalamat man ang grupo sa ila mga tagasuporta kag tigpalamati nga nakaupod nila sa mga tuig nga pagperform kag paghimo sang musika.
Ginhingyo man sang banda ang pagpang-ampo para sa pamilya kag mga mahal sa kabuhi ni Pagaduan kag nagalaum sila nga magpadayon ang memorya sang ila pinalangga nga miyembro pinaagi sa ila musika kag pagkanta.
