Nagdangat sa 46 ang napatay, lakip ang mga bata, samtang masobra 70 naman ang pilason matapos magluntad ang isa ka paglupok sa northern Myanmar partikularmente sa Namhkam township.
Samtang, suno sa isa ka first responder sa Namhkan district sa Shan state, naglab-ot sa 59 katao ang kabug-usan nga numero sang mga napatay.
Ginpahayag man sang National Liberation Army (TNLA), isa ka kilala nga ethnic armed groups sa pungsod nga ang paglupok tuga sang “accident detonation” sang mga nakatumpok nga explosives nga ginausar sa pagmina kag quarrying.
Samtang, wala pa sang insakto nga numero sang mga biktima ang ginpaguwa sang grupo samtang nagapdayon ang imbestigasyon sa eksakto nga gintunaan sang insidente.
Ginpahayag man sang TNLA nga ang mga explosives ang gipanagiyahan sang ila economic department, kag padayon pa nga ginatukib ang kabangdanan sang paglupok sini.
Madumduman nga nagapabilin ang Myanmar nga yara sa tunga sang civil war halin sang kuhaon sang militar ang kaghum sang 2021, nga nagtuga sang padayon nga kinagamo sa tunga sang junta forces kag ngakalin-lain nga pro-democracy kag ethnic armed groups.
