“Trabaho lang man ning amon kag implementasyon sang ordinansa”, ini ang nangin pahayag ni Koronadal City Traffic management officer Joy Placer sa mga colorum nga mga tricycle drivers nga madakpan sang ila nga mga tinawo nga naga biyahe sa Koronadal.
Suno kay Placer naga padayon ang ila nga talatapan sang pag implementar sa kun anu ang ordinansa sa syudad labi nga nga maathag nga hugot gid nga gina dumilian ang pagbiyahe sa mga ini.
Dugang pa ni Placer ng nahangpan man sini nga sitwasyon sang mga drivers sang colorum nga mga tricycle nga tungod sa kapigaduhon sang pangabuhi, naga biyahe sa gihapon ang mga ini apesar nga illegal ang ila nga pagpamasada.
Apag hugot naman nga nagpanindugan ang opisyal nga ginaproteheran lamang sini ang mga naga sunod sa kasuguan kag ang mga may prankisa nga mga tricycle drivers nga amu naman ang nagasunod sa ordinansa kag tanan nga mga lehitimo nga mga franchise holders.
Ginpahayag man sini nga mas ginpasangkad pa sang ila nga pamunuan ang operasyon kaupod man ang iban pa nga mga law enforcement units sa syudad sang Koronadal agud nga mapabilin nga luwas kag maayo ang imahe sang transports sectors san syudad.
