Nagpakigbahin sang ila pagpangasubo ang Memphis Grizzlies matapos ang hinali nga pagtaliwan sang ila forward nga si Brandon Clarke.
Sa mensahe nga ginpaguwa sang NBA team, ginpahayag hubon ang ila pagpakasubo sa pagtaliwan sang 29-anyos nga forward upod ang ila pakig-unong sa iya nabilin nga pamilya.
Gindayaw sang Memphis si Clarke bilang mabinuligon kag maayo nga teammate, kag ginpahayag nga indi malipatan ang iya kontribusyon sa Grizzlies kag sa bug-os nga komunidad sang Memphis.
Suno naman kay Adam Silver, nagapangasubo man ang bug-os nga National Basketball Association sa pagtaliwan sang batikan nga forward.
Gintawag niya si Clarke bilang isa ka “ginahigugma” nga teammate kag lider nga may wala sang kapareho nga paghigugma sa basketball.
Ginpili si Clarke sang Oklahoma City Thunder sang 2019 bilang ika-21 nga overall pick, apang gilayon man siya nga na-trade sa Memphis sa draft night.
Sa iya una nga season sa liga, nalakip si Clarke sa NBA All-Rookie First Team matapos makaposte sang average nga 12.1 points kag 5.9 rebounds kada hampang.
