Nakuha sang New York Knicks ang kadalag-an sa Game 1, 105-95, kag gindalok ang home-court advantage sa San Antonio Spurs. Nanguna sa Knicks si Jalen Brunson nga may 30 points.
Si Victor Wembanyama ang nanguna sa Spurs nga may 26 points.
Tatlo ka daug na lang kag tapuson na sang New York ang 53-year championship drought. Ang makahalawat-hawat nga Game 1 sang National Basketball Association (NBA) Finals sa tunga sang New York Knicks kag San Antonio Spurs.
Ginpatigayon ang Game 1 sa Frost Bank Center sa San Antonio, Texas, Estados Unidos sang Amerika.
Ini ang una nga tion nga magakit-anay liwat ang duha ka nasambit nga teams 27 ka tuig matapos ang ila maragtason nga showdown sa finals sadtong 1999.
Nag-abanteang Spurs sa finals matapos ginlutos sa Game 7 sang Western Conference Finals ang defending champion nga Oklahoma City Thunder, 111-103.
Nanguna sa team ang French 7-foot-4 center kag superstar nga si Victor Wembanyama nga amo man ang Most Valuable Player sang Western Conference finals kag ang NBA Defensive Player of the Year.
Emosyonal man si Wemby sang ginahakos sini ang iya teammates matapos nga nakalab-ot na gid man ini sa Finals sa labing-una nga tion sa iya karera sa NBA.
Sa Eastern Conference naman, mas nauna na nga nakapahuway kag naka-book sang ticket sa Finals ang Knicks matapos gin-sweep ang Cleveland Cavaliers.
Ini ang una nga NBA Finals appearance sang Knicks halin sang 1999.
