Ginpaklaro sang Independent Commission for Infrastructure (ICI) nga wala nila ginasalikway sang responsibilidad nga kaangot si House Speaker Martin Romualdez sa kontrobersyal nga mga flood control projects.
Naguwa ang nasambit nga pahayag matapos gin-alegar ni Rep. Jude Acidre nga angay gin-declare sang komisyon nga wala sang sala si Romualdez sa iya rekomendasyon sa Office of the Ombudsman.
Ginpahayag sang ICI nga ang ila referral wala nagasiling nga may sala ukon liable si Romualdez.
Ang referral ginpadala sa Ombudsman agud sila mismo ang mag-usisa kag mag-desisyon kun ang sitwasyon nagakinahanglan sang administratibo ukon kriminal nga responsibilidad suno sa layi.
Ginpunto man sang komisyon nga wala sila naghatag sang desisyon kun may sala ukon wala si Romualdez kag ginpanindugan nga ang ila papel amo ang nagatutok lang fact-finding kag wala sang prosecutorial authority sa isyu sang flood control anomalies.
