DA, nakabantay sa posible nga epekto sa agriculture sang tensyon sa Middle East

Gintutukan sang Department of Agriculture (DA) ang posible nga epekto sang tensyon sa Middle East sa agrikultura kag kalakalan sang Pilipinas.

Suno kay Francisco Tiu Laurel Jr., posible magsaka ang presyo sang gatong sa world market, nga magapasaka sang gasto sa krudo, feltilizer, freight, kag farm inputs.

Mahimo man magsaka ang shipping rates kag landed cost sang imported nga harina kag animal feed, nga magatuga sang pagsaka sang presyo sang tinapay, manok, kag baboy.

Nagpasiguro man si President Bongbong Marcos Jr. nga may igo nga suplay sang gatong kag ginatun-an ang fuel subsidies kag posible nga temporaryo nga pagpanubo sang fuel excise tax agud mapugngan ang pagsaka sang presyo.