Ginpagwa na sang Gilas Pilipinas ang final 12 ka mga manughampang para sa ila pag-atubang sa New Zealand sa pagsugod sang Windows 2 sang FIBA World Cup 2027 Asian Qualifiers.
Lakip na sa listahan si Juan Gomez de Liano, nga una nga tion nga makasulod sa national basketball team.
Wala nakasulod sa lineup ang teammate niya sa Converge, si Justine Baltazar, kag sanday RJ Abarrientos kag Troy Rosario sang Barangay Ginebra.
Lakip man sa final 12 sanday June Mar Fajardo, Kevin Quiambao, Chris Newsome, Calvin Oftana, Scottie Thompson, CJay Perez, Carl Tamayo, Dwight Ramos, AJ Edu, Quentin Millora-Brown, kag Justin Brownlee.
Nakatalana man nga makaatubang sang Gilas Pilipinas ang New Zealand subong nga adlaw, Huwebes, Pebrero 26, sa Mall of Asia Arena.
