Nainspera ang mga delegado sa una nga adlaw sang Regional Schools Press Conference pinaagi sang presensiya kag mga mensahe sang nangin Keynote speaker sang sang opening program sang aktibidad nga ginhiwat sa South Cotabato Gym and Cultural Center kahapon Pebrero 25 2026.
Ginhatagan sang ligwa ni Atom Araullo- Journalist/ Speaker sa mga kabataan ang importansiya sang pagpursige kag didikasyon sa iya nga trabaho.
Ginpahayag man sini nga anay man ini nga nangin baguhan sa industriya sang broadcasting/journalism apang wala ini nag untat sa pagpursige kag gintun-an ang mga butang nga makabulig sa iya agud maabot kun sa diin man ini sa subong.
Isa sa mga ginhatagan sini sang ligwa amu ang basic sang mga media nga pamaagi sa pagkuha sang impormasyon pinaagi sa 5Ws and 1H. Nga amu naman ang Who, What, Where, When, Why kag How agud nga mangin bastante ang impormasyon nga ginapresentar sini sa publiko.
Dugang pa sini, nagakaangay nga may ara sang kaisog ang isa ka journalist sa pagpamangkot kag paglantaw sang mga datus agud matul-id ang mga impormasyon sa publiko kaisog nga magpahayag nga nagsala ang impormasyon kag kaisog nga magpahayag apesar nga mag ara sang maakig.
Ginhatagan man sini sang importansiya ang mga journalisr sa mga probinsiya nga amu naman ang mas nauna nga makahibalo sang tanan nga mga butang kag naga kalanabo sa sosyodad.
