Dako nga bulig ang Trimestral System agud mas matutukan ang kalidad sang teaching kag learning processes sang mga kabataan.
Ini ang nangin pahayag ni Prima Roullo, Chief sang Curriculum Division sang Koronadal City Schools Division sa interview sang Bombo Radyo Koronadal.
Suno kay Roullo, mas mahatagan na sang focus ang pagtudlo sa mga estudyante bangud may ginbutang na nga espesipiko nga mga adlaw para sa extracurricular activities pareho sang sports program, journalism kag iban pa nga mga programa.
Dugang pa niya, indi na mahimo matandog ukon masudlan sang iban nga extracurricular activities ang oras para sa teaching kag learning.
Gindugang pa ni Roullo, wala man sang pagbago sa iskedyul sang bakasyon sang mga bata kag wala man nagdugang ang kabug-osan nga bilang sang mga adlaw sang klase.
