Nagpatigayon sang pagbaylohanay sang mga prisoners of war kag mga sibilyan ang Russia kag Ukraine.
Ini nga tikang gintigayon matapos ang duha ka adlaw nga peace talks sa tunga sang Ukraine kag Russia nga ginpatigayon sa Abu Dhabi.
May kabug-usan nga 157 ka Ukrainians, nga pito sini amo ang mga sibilyan, kag 157 man ka suldado sang Russia ang nakabalik sa ila tagsa ka pungsod.//Ini ang pinaka-una nga prisoners swap sang duha ka pungsod sulod sang apat ka bulan.
Madumduman nga una sini, nagpatigayon sang pag-estorya ang mga representante sang US, Russia, kag Ukraine agud padayon na nga matapos ang apat ka tuig nga kinagamo sa tunga sang duha ka pungsod.
Makadamo na nga beses nga nagpatigayon sang pag-estorya, apang wala gihapon sang konkreto nga plano agud matapos ang kinagamo nga nagaapektar sa madamo nga pumuluyo sa tagsa nga pungsod.
