Gina-imbestigaran sang Office of the Ombudsman kun may ginlapas nga layi ang mga kumpanya nga may koneksiyon sa solar energy nga gina-angot kay Batangas Rep. Leandro Leviste.
Suno kay Ombudsman Jesus Crispin Remulla, lakip sa imbestigasyon ang Solar Philippines Power Project Holdings, Inc., SP New Energy Corporation, kag ang pagbaligya sang shares sini.
Gina-alegar nga posible magtuga sang legal na isyu ang pagbuo sang subsidiary matapos mapaslawan nga mabaligya ang mother company.
Nagguwa sa mga rekord nga humalin sang 2023 tubtob 2025, nagbaligya si Leviste sang ₱22.259 bilyon nga balor sang SPNEC shares sa MGEN Renewables.
Kasunod sini sang anunsyo sang ₱24 bilyon nga multa batok sa Solar Philippines bangud sa kanselasyon sang masobra 11,000 megawatts nga power contracts.
Ginpanginwala man ni Leviste ang nasambit nga isyu.
