EBU CITY — Nagpain ang lokal nga gobyerno sang Cebu City sang ₱30 milyon nga pondo para sa emergency response kasunod sang pagkarumpag sang sanitary landfill sa Barangay Binaliw, nga nagtulod sa pagdeklara sang state of calamity sa siyudad.
Suno sa city government, ang pondo pagagamiton para sa waste management kag search and rescue operations, lakip na ang paghaboy sang basura matapos ginpauntat ang operasyon sang sanitary landfill bangud sang peligro sa seguridad sang komunidad.
Samtang, padayon ang pagpangita sang mga biktima bangud sang insidente nga nagresulta sa 13 ka kumpirmado nga napatay, samtang masobra sa 20 pa ka persona ang ginapangita.
Ginpahayag nga ginapasanyog pa ang rescue efforts bisan pa sa mabudlay nga sitwasyon sa lugar.
Kadungan sini, may nadetect nga mga sensyales ang isa ka mining company nga nagabulig sa search and rescue operations nga nagapatun-an nga posible may buhi pa sa tunga sang mga missing nga biktima.
Apang ginpahayag sang mga otoridad nga delikado gihapon ang lugar bangud sang posibilidad sang panibag-o nga landslide, nga nagapabudlay sa padayon nga rescue operations.
