General peaceful sa karon kag wala sang may na record nga bisan ano nga insidente, kag ginalauman nga matapos ang Misa de Gallo nga wala sang bisan ano nga untoward incident nga matabo.
Ini ang nangin pahayag ni Police Captain Analiza Domingo, spokesperson sang South Cotabato PNP, sa exclusive interview sang Bombo Radyo Koronadal. Suno kay Domingo, magluwas sa deployment sang kapulisan sa mga simbahan, may yara man sila sang mga personnel sa nagkalain-lain nga lugar, ilabi na karon nga kadam-an sa mga tawo ang nagapauli sa ila mga probinsya.
Bangod sini, naga-establish ang kapulisan sang police assistance desk sa mga public terminals kag sa mga public markets.
Nagpanawagan man si Domingo sa katawhan nga sundon ang mga ginapatuman sang gobyerno kag indi magduha-duha nga magtawag sa kapulisan kon may mga makaduluda nga panghitabo.
