Arestado ang 34- anyos nga lalaki sang Tantangan MPS matapos natukiban nga naga dala sang illegal nga sigarilyo sa Barangay Poblacion banwa sang Tantangan kahapon nga adlaw sang Huwebes, Disyembre 4,2025.
Ginkilala ang suspek sa kay alyas “Tahir,” 34 anyos, lalaki, may asawa, self-employed kag residente sang Barangay Poblacion, Tantangan, South Cotabato.
Suno sa mga awtoridad, nagpatigayon sila sang monitoring/surveillance kag may kaangtanan sa Anti-smuggling kag natukiban nila ang suspek nga nagadala sang ginapatihan nga smuggled nga sigarilyo kag yara sa sa sulod sang isa ka eco-bag.
Samtang, nakuha halin sa suspek ang apat (4) ka reams sang Cannon Menthol 100s; tatlo (3) ka reams sang D&J Ice Plus; isa (1) ka ream sang New Berlin; kag isa (1) ka ream sang Titan Ice Plus cigarettes nga may ginatagna nga kabug-os nga balor nga Php 6,600.
Kaso nga paglapas sang RA 10863 kag RA 10845 ang igasampa nga kaso batok sa suspek.
