-- ADVERTISEMENT --
Nagpanawagan si Presidente Ferdinand Marcos Jr. sa tanan nga ahensya sang gobyerno nga magpabilin sa full alert kag siguruhon ang kaluwasan sang publiko samtang padayon nga nagabaskog ang Bagyo Uwan nga sa karon nagahilapit sa Amihanan nga Luzon.
Panawagan sang Presidente nga maghiliusa kita kay ang kada segundo importante.
Ginapahanumdom man sang Punong Ehekutibo ang tanan nga magpabilin nga kalmado kag indi magkampante. Sundon ang mga abiso sang mga lokal nga panguluhan kag magbakwit gilayon ang mga nagapuyo sa mga delikado nga lugar. E prepar man ang mga nagapanguna nga kinahanglanon kag magpabilin nga nakatutok sa mga opisyal nga anunsyo.
