KORONADAL CITY – Ginkakibot sang Barangay Kapitan sang Bukay Pait,Tantangan South Cotabato nga nakabaton siya sang mass resignation sang mga walo Sangguniang Kabtaan members.
Sa interview sang Bombo Radyo Koronadal kay Barangay Bukay Pait Chairman Pedro R. Rufino Jr., nasorpresa ini bangud gulpi lamang siya nakabaton sang papel angot sa resignation letter sang mga SK members, apang gindirekta kay Municipal Mayor. Timme Gonzales, nga kuntani siya ang una nga padal-an kag makahibalo sandig sa pagsulundan sang insakto nga proseso.
Dugang pa ni Kapitan Rufino, nga kun isa iya una ginpadala ng sulat magapatigayon siya sang session agud mahibaluan ang madalom nga rason sang mga SK members.
Samtang, sa paglantaw naman ni Kapitan nga wala man sang problema sa relasyon sang mga Barangay Council kag SK Council nga posible rason sang ila paghalin.
Nagkomento man ang opisyal sa mga myembro sang SK nga nagresign, suno sa iya kun indi man lang tani interesado sa mga posisyon nga ila ginsumpaan, dapat wala nalang nagpapili sang makaligad nga eleksiyon.
