Pagasukton man dapat ang Malakanyang bangud ang 2025 budget ang wala mapasar kun wala ginpirmahan ni Pangulong Ferdinand Marcos Jr. apisar nakahibalo ini nga madamo sang insertions.
Ini ang nangin pahayag ni Cong.Carlos Izagani Zarate, anay Bayan Muna Representative sa interview sang Bombo Radyo Koronadal.
Suno kay Zarate, dapat lang nga sukton si Marcos bangud may ihibalo man ini sa nagakatabo sa pungsod kag kaparte ini sang dapat mga basulong sang katawhan sa lapnagon nga korupsiyon.
Madumduman nga sang nagtukod sang Independent Commission on Infrastructure ukon ICI ang gobyerno agud imbestigaran ang maanomalya nga flood control projects, apang damo sang reservation ang katawhan kun sa ano ini patihan bangud kasubong nga plano na nga indi pag-ilakip ang pangulo sa isyu bangud siya ang nagbuyagyag sa publiko.
Nagdugang pa diri ang mga ginapatigayon nga hearing nga nagabuyagyag sang pagkainvolbar sang mga opisyal sang gobyerno apang pili lamang ang napasakaan na sang kaso.
Samtang, dugang pa ni Zarate nga kun matuod gid ang presidente iya dapat nga imandu ang transparent nga investigation kag dapat indi nonsense nga investigation kag dapat nga wala sang may ginapili kun sin- o ang ma igo.
