Naka generate sang 90. 79 % passers ang Notre Dame Marbel University kung sa diin nalipay ang bug-os nga faculty kag Psychology Department sang nasambit nga buluthoan sa resulta sang board exam sang mga estudyante . Sa interiew sang Bombo Radyo Koronadal kay Angelie Lou P. Orquia, RPm, RPsy, MSPsy – Program Head sang Psychology Department .
Suno sa iya , nagapasalamat kag nalipay gid sila kay nahibaluan nila nga ginhimo sang mga estudyante ang tanan nga paagi agod makapasa sila sa nasambit nga exam. Dugang pa sa iya , dako ang importansya sang mga mental health professionals pareho sang mga psychometrician, agod mabuligan ang publiko nga nagakinahanglan bangud sa nagataas nga kaso sang mental health problems sa pungsod.
Samtang sa pihak nga bahin dako man ang kalipay sa mga estudyante nga nakapasa sa nasambit nga examinasyon kag dako man ang ila nga pagpasalamat sa mga manunudlo nga amo man ang nag bulig sa ila.
