Isa sa mga ginatudlo nga rason sang kapulisan kon ngaa padayon gihapon ang pagbakal kag paggamit sang smuggled nga sigarilyo amo ang kabaratuhon sini kumpara sa mga legal nga sigarilyo.
Ini ang nangin pahayag ni Police Captain Ralph Marvin Francis Rivera, spokesperson sang Koronadal City PNP, sa interview sang Bombo Radyo Koronadal.
Suno kay Rivera, delikado ang paggamit sang mga produkto nga wala na-verify sang mga otorisado nga ahensya sang gobyerno.
Wala sang kasiguraduhan kon ini safe nga iconsume kag posible nagagamit sang pekeng nga mga kemikal nga makahalit sa lawas sang tawo.
Gani ginahimo sang kapulisan ang tanan nga tikang agud mapunggan ang paglapta kag matapna ang mga illegal nga aktibidad kasubong sang pagpamaligya sang smuggled nga sigarilyo.
