Natumod na ang isa sa duha ka mga suspek nga responsable sa pagpangluthang sa inspector sang Yellow Bus Lines Inc// Ini ang ginkumpermar sang mga kapulisan makaligad ang hot pursuit operation nga ginhiwat sang mga otoridad sa diin madinalag-on nga nakilala ang mga ini.
Yara naman sa estable na nga kondisyon ang inspector sang Yellow Bus Lines Inc. makaligad nga nag-agom ini sang tatlo ka igo sa nagkalain-lain nga bahin sang kalawasan nga kasamtangan nga naga paayo sa isa ka balaybululngan.
Ginpahayag naman sang mga otoridad nga personal grudge ang motibo sang mga suspek sa pag komiter sang krimen.
Madumduman nga ginluthang ang biktima nga si Erwin C. Layson isa ka inspector sang YBL Inc. samtang nagahulat ini sang bus nga e-inspect sini.
Una na nga ginpahayag ni Mr. Bernard Bolanio- Operations Manager sang YBL Inc. nga dako ang pagpati sini nga wala sang kaangtanan sa trabaho ang motibo sa krimen bangud maayo man nga empleyado si Erwin kag wala sang kontra sa ubra.
Nagpadayon naman ang pagpangita sang isa sa mga suspek nga nagpalagyo sa subong makaligad ang krimen nga nagluntad.
