Nakaabot na sa Ukraine ang pinakauna nga Abrams tanks halin sa Australia.
Ang M1A1 Abrams tanks regalo sang Australia bilang panalipod batok sa Russia.
Nagka-delay sang sobra siyam ka bulan tungod kinahanglan pa ang pag-aprubar sang US.
Ginsiling ni Prime Minister Anthony Albanese sang Australia nga importante ang aprubal sang US sa paghatag sang tangke nga ginhimo sa Estados Unidos antes ini ipanagtag sa third world nga pungsod.
Una ini nga ginpromisa sang Australia sa Ukraine sang Oktubre pa sang nagligad nga tuig.
Nahatag na sang Australia ang sobra sa katunga sang 49 ka piraso nga ila ginpromisa samtang ang nabilin posible pa nga maabot sa masunod nga mga bulan.
Ginasiguro sang Australia nga may daku ini nga bulig sa Ukraine batok sa Russia.
Ang 49 ka Abram Tanks halin sa fleet sang 59 nga nabakal sang Australia sang 2007 kag subong ginpuli na sang M1 A2 nga modelo.
May kabug-usan nga balor nga $245 milyon bilang kabahin sang $1.5 bilyon nga ginpromisa nga bulig sang Australia sa Ukraine.
