Nagnubo ang numero sang mga vehicular accident sa syudad kag wala sang mga fatal injury nga nahitabo sa tion sang Semana Santa.
Ini ang ginkumpirmar ni PCMS Gandi Basan-Head City Traffic PNP sa interbyu sang Bombo Radyo Koronadal.
Apang suno saiya madamo ang mga na-self injured, kag may mga insidente nga naga-overshoot ang mga saksi sa aksidente nga nakainom sang makahululubog nga ilimnon.
Iya man gin athag nga sa tion sang semana santa Ginpasangkad sang City Traffic PNP kag iban pa nga mga ahensya ang ila roving kag monitoring activities agud malikawan ang disgrasya sa mga dalanon, kag masiguro ang kaluwasan sang publiko.
Ang mga otoridad nagapadayon sa pagpahamtang sang mga road safety measures, lakip na ang pag-monitor sa mga motorista nga nagalapas sa mga traffic regulations, partikular na ang mga magmaneho samtang nakainom.
