Baliskad suno pa ang nag gwa nga listahan sang pipila ka mga botante sa South Korea sa balota nga ila ginboto.
Sa interview sang Bombo Radyo Koronadal kay Herme Linda Albao — isa ka miyembro sang BINC sa South Korea — iya ginpabutyag ang iya kasubo matapos nga maguwa sa iya balota ang kabaliskaran sang iya ginboto.
Suno kay Albao, indi niya napunggan ang pagpabutyag sang iya kaakig sa social media bangud sang natabo.
Ginpili niya sang husto ang kandidato nga ginboto, pero sang gin-print na sang makina ang balota, lain nga ngalan ang naguwa.
Gintumod man ni Albao ang kahalagahan sang paggamit sang machine-readable nga balota nga dapat mas klaro kag mas maintindihan sang mga botante, labi na gid sa mga first-time voters kag sa mga indi pa gid pamilyar sa teknolohiya.
Nanawagan man siya sa COMELEC nga tan-awon gid ang mga ini nga insidente sa balota kag siguraduhon nga may aksyon nga himuon.
Ginpahanumdom man niya ang publiko nga magbantay anay sa mga una nga botante, kag kung may makita nga pareho nga problema, indi anay magpadayon sa pagboto.
May tyempo pa kuno tubtub Mayo 12 antes matapos ang eleksyon, gani may tsansa pa nga ma-ayo ini nga isyu.
