Negosyante, arestado matapos makwaan sang indi lisensiyado nga armas sa Brgy. GPS, syudad sang Koronadal

Arestado ang isa ka negosyante matapos makwaan sang indi lisensiyado nga armas sa gintigayon nga search warrant operation sang Koronadal City Police Station sa iya panimalay sa bahin sang Brgy. GPS, Koronadal City, South Cotabato.

Ginkilala ang suspek nga si alyas “Frank”, 42-anyos, isa ka negosyante kag residente sang nasambit nga lugar.

Ginpatuman sang mga operatiba ang Search Warrant sa presensya sang suspek kag sang isa ka witness nga kung sa diin nakit-an sa sulod sang iya balay ang isa ka improvised break-open caliber .45 pistol nga may isa ka live ammunition.

Sa karon, maga-atubang ini sa mga kaso batoks sa nakuha nga maga ebidensya.