-- ADVERTISEMENT --

Nagapanawagan ang mga miyembro sang Kamara nga imbestigaran ang P12.3 bilyones nga balor sang disallowances sang Department of Education (DepEd) sa idalom sang Bise Presidente Sara Duterte.

Sa isa ka press conference, ginpamatud-an ni House Assistant Majority Leader kag Taguig 2nd District Rep. Pammy Mendoza nga napahanas na nila upod ang iban pa nga miyembro sang Kamara nga ipaidalum sa House Good Government and Public Accountability Committee ang wala pa naresolbar nga financial transactions sang DepEd nga ginrekomenda ni Zambales 1st District Rep. Jay Khonghun.

Samtang, nagdistansya naman ang House prosecutor sa impeachment trial ni VP Sara nga si 1-Rider Party-list Rep. Rodge Rodriguez sa panawagan sang komite sang Kamara nga imbestigaran ini.

Suno sa iya, bilang kabahin sang prosecution team sa kaso sang impeachment, ginpahayag ni Gutierrez nga magapairal siya sang pagpugong sa paghatag sang ano man nga pahayag parte sa amo nga isyu.

Ang wala pa naresolbar nga financial transactions sang DepEd kabahin sang articles of impeachment nga ginpahayag man sang mga mambabatas sa Kamara batok sa Bise Presidente.

Madumduman nga gina-akusaran  sang betrayal of public trust kag graft and corruption bangod sa ginatudlo nga misuse kag malversation sang confidential funds nga gin-allocate para sa Office of the Vice President kag DepEd.