Nagapadayon sa karon ang imbestigasyon sa nagluntad nga sunog sa isa ka balay kasubong sang pag ululan sa Sitio Dos, Barangay EJC Montilla, Tacurong City, pasado alas 8:49 subong nga aga, Pebrero 12, 2025.
Ini ang ginkumpirma sang isa ka estudyante nga naulamid sa sunog nga si Rizza Mae Aglapsa, isa ka criminology student sa interview sang Bombo Radyo Koronadal.
Suno saiya, ili ini nga boarding house nga gina rentahan kag nakibot na lamang ini nga nasunog na ang sa ibabaw nga parte.
Sandig sa inisyal nga report, ang nasunog nga balay ginapagiyahan sang pamilya Ortega nga ara mismo sa atubang sang SKSU Access Campus.
Yara naman sa pito ka estudyante ang nagarent sa nasambit nga balay kag wala sang may nabilin nga kagamitan sa mga nasambit nga estudyante.
Nagapanawagan man ang mga estudyante sang bulig-pinansyal kag iban pa nga bulig.
Sa karon, padayon pa ang imbestigasyon sang mga otoridad agud mahibal-an ang gintunaan sang sunog kag pila ang danyos nga nalakip sa sunog.
