KORONADAL CITY – Naglunsar sang programa kag wreath laying ang mga himata kag mga katapo sang kasuldadohan para sa pagdumdom sang mga napatay sang anti-terror raid nga SAF 44 sa Mamasapano, Maguindanao sang January 25, 2015.
Ini ang ginkumpirmar ni PCOL JEMUEL SIASON- Deputy Regional Director for Operations sang PRO BAR sa panayam san Bombo Radyo Koronadal.
Gindeklarar ini nga adlaw bilang pagdumdom subong nga adlaw sang ika pulo ka tuig nga anibersaryo sang Mamasapano incident nga ginkapatay sang 44 ka mga katapu sang PNP-Special Action Force.
Suno kay Siason, madamo suno pa sang aktibidad nga ginhiwat agud dumdumon ang kabayanihan sang 44 elite forces nga napatay sa nagluntad nga mis-encounter sang mga katapo sini kag sa mga armado nga grupo lakip na ang Moro Islamic Liberation Front (MILF) kag Bangsamoro Islamic Liberation Front (BIFF).
Sa karon, padayon naman nga nagapanawagan si Saison sa tanan ilabi na sa mga katawhan sa nasambit nga lugar nga ini na malinong kag gina siguro sang ila opisina ang kalinong kag seguridad sa palibot.
