Kumpiskado sa pag-iingat ng isang lalaki ang ilang pakete ng hinihinalang shabu at matapos ang inihaing search warrant ng mga operatiba ng GenSan PNP sa Brgy. Fatima, General Santos City nito lamang ika-21 nitong Enero 2025.
Kinilala ni Police Major Ari Noel Hinayon Cardos, Station Commander ng General Santos City Police Station 7, ang naarestong suspek na si alyas “Ar-ar”, nasa wastong gulang, walang asawa, at residente ng nasabing lugar.
Ayon kay PMaj Cardos, bandang alas 4:30 ng umaga nang isinagawa ang operasyon sa pangunguna ng kanilang hanay katuwang ang mga tauhan ng Regional Mobile Force Battalion 12, SWAT/CMFC-GSCPO at PDEA 12, na nagresulta sa pagkakadakip ng naturang suspek.
Sa kasagsagan ng paghahalughog ng awtotidad, kanilang nadiskubre sa pag-iingat ng suspek ang 14 piraso ng plastic sachet na naglalamang ng pinaghihinalaang shabu na may kabuuang bigat na 4 gramo na may standard drug price na Php30,000.
Kasong may kaugnayan sa iligal na droga ang isinampa laban sa nahuling indibidwal.
