agpahanumdom si Eugene Pobre, lider sang Scooter Boyz sang South Cotabato, sa mga motorista nga nagaplano maglong ride nga siguruhon anay ang maayo nga kondisyon sang ila mga motorsiklo agud malikawan ang aksidente kag problema sa dalan.
Sa interview sang Bombo Radyo Koronadal, ginpahayag ni Pobre nga importante ang madinalag-on nga preparasyon antes magsugod sa malawig nga pagbyahe. Suno sa iya, indi lamang dapat magsalig sa mga diskarte sa pagdrayb, kundi kinahanglan man nga inspeksyunon sing maayo ang motorsiklo agud masiguro ang kaluwasan sang mga nagasakay sini.
Dugang pa ni Pobre, kinahanglan nga ipaayo ang mga parte sang motorsiklo nga may deperensya, limpyuhan ang mga nagakinahanglan sini, kag usisaon ang nabilin nga gatong agud masiguro nga makaabot sa masunod nga gasolinahan.
Ginpahanumdom man niya ang mga miyembro sang ila komunidad nga mag-full tank antes magsugod sa long ride agud malikawan ang pagkadulaan sang gatong sa tunga sang pagbyahe kag malikawan ang indi kinahanglan nga problema sa dalan.
