KORONADAL CITY – Nagalaum sa subong ang mga opisyal sang 6th Infantry Division nga mas madamo pa subong nga tuig 2025 ang magsungka sang ila nga mga armasluthang nga sakop sang Central Mindanao bilang suporta man sang disarmament campaign sa rehiyon sang gobyerno kaangot sa Mindanao peace process.
Ini ang nangin pahayag ni LtCol. Roden Orbon- Tigpamaba sang 6ID Philippine Army sa interview snag Bombo Radyo Koronadal makaligad ang Small Arms and Light Weapons Management Program ng 6th ID kaupod man ang Presidential Adviser on Peace, Reconciliation and Unity.
Base man sa datos sang 6ID, 537 na ka mga armasluthang ang ginsungka sa diin ginakalakipan sang M16 kag M14 assault rifles, M1 Garand kag Carbine rifles, .50 caliber Barrett sniper rifles, 7.62 millimeter bolt-action sniper rifles, M60 kag .30 caliber machineguns, mga 40 millimeter grenade at B-40 rocket launchers at 60 at 81 millimeter mortars ang nakolekta ng mga units ng 6th ID sa mga residente sang Maguindanao del Sur, Maguindanao del Norte, Sultan Kudarat, Cotabato at Sarangani halin sang ginlunsar ang SALW Program sa nasambit nga mga probinsiya sa tunga-tunga sang 2024.
Samtang sa Cotabato City nga amu ang kabisera sang Bangsamoro region masulusobra 100 ka mga armas ang nakolekta sang 6th ID sang naglabay nga lima ka bulan, sa diin boluntaryo nga ginsungka sa mga residente bilang tugon sa SALW Program.
Suno pa kay Orbon, nagabulig man sa ila ang mga municipal, city kag provincial officials sa Central Mindanao sa pag ganyat sa mga nabilin pa nga mga katapo sang terorista nga grupo sang Dawlah Islamiya kag Bangsamoro Islamic Freedom Fighters nga magbalik sa sabak sang gobyerno kag magpangabuhi sang malinong sa ila nga pamiya.
Nagdangat naman sa 519 nga mga miyembro sang duha ka grupo kag pila sa mga ini ang eksperto sa pagkreer sang explosive devices
