Ginganyat ni Department of Labor and Employment (DOLE) Undersecretary Benjo Benavidez ang mga minimum wage earner nga mag-avail sang Ayuda sa Kapos Ang Kita Program (AKAP).
Suno kay Benavidez, ang nasambit nga programa ang ginhimo para makabulig sa mga mamumugon nga nagaspweldo sang minimum wage kag below minimum wage.
Ang kontrobersyal nga AKAP ang isa ka government assistance program sa idalom sang Department of Social Welfare and Development (DSWD) kag National Economic Development Authority.
Suno kay Benavidez, posible makakuha ang mga mamumugon sang salary certification halin sa ila mga employer kag isumiter ini sa DSWD.
Suno sa DOLE kung magin benepisyaryo ang mga ini igapapubliko ang ila nga rekord kag posible nga makita ini sang Commission on Audit (COA).
Base sa 2025 General Appropriations Act (GAA) nga ginpirmahan sang Presidente., ang AKAP ang may pondo nga P26 billion para sa karon nga tuig.
