Wala pa sang desisyon ang Malacañang kun pahanugotan ang paghatag sang clemency sa convicted overseas Filipino worker nga si Mary Jane Veloso matapos pormal na nga ginsaylo ang sa bilanggoan sa Pilipinas nagikan sa Indonesia.
Suno kay Executive Secretary Lucas Bersamin, wala pa sang desisyon angut diri si Pangulong Ferdinand Marcos, Jr. kag ginatun-an sang husto ang sitwasyon.
Matandaan nga ginsilutan sang kamatayon si Veloso matapos madakpan ini sa kaso nga drug trafficking sa pagdala sang 2.6 ka kilo sang heroin sa Indonesia sang tuig 2010.
Sa bahin naman sang Department of Justice (DOJ), wala sang malain kun matugotan sang executive clemency si Veloso kag ang iban pa nga kapareho nga PDL kun kwalipikado ang mga ini.
Samtang, magluwas sa clemency nga gina aprubahan sang ehekutibo, mahimo man ini maka-avail sang good conduct time allowance (GCTA).
Sa karun preso na sa Correctional Institution for Women sa Mandaluyong City si Veloso.
