Mahimo suno pa nga mangin potential nga alagyan sang voter buying ang nanari sari nga ayuda nga ginapanagtag sang gobyerno sa nagkalain-lain nga lugar ukon mga distrito labi pa nga nagahilapit naman ang midterm elections.
Ini ang nangin panan-awan ni Professor Danilo Arao- Convenor sang Kontra Daya sa interview sang Bombo Radyo Koronadal.
Suno sa iya, indi malayo nga mangin alagyan ang ayuda sang gobyerno ang mahimo nga gamiton sang mga politiko labi pa nga ini ang ginapanghatag sa mga nagkalain-lain nga distrito pinaagi man sa supervision sang mga opisyal nga mahimo interesante man sa boto sa naga hilapit nga eleksyon agud nga makapamili sang ila nga mga supporters.
Nagapangabay man ini sa tanan nga mga botante nga mangin mapagmatyag sa hulag sang mga politiko bangud mahimo nga naga hulag na ang mga ini sa subong pa lamang apesar malayo pa ang midterm elections.
