DSWD nakapanagtag na sang 19,881 family food packs sa mga residente nga apektado sang bulkan Kanlaon

Nagdangat na sa kabug-usan nga 19,881 Family Food Packs ang napanagtag sang Department of Social Welfare and Development sa mga residente nga apektado sang palupok sang bulkang Kanlaon.

Padayon ang pagdul-ong sang mga bulig partikular na sa mga pamilya kag indibidwal halin sa Western kag Central Visayas.

Base sa datos sang ahensya, ang Region 6 ang pinakamadamo nga numero sang mga indibiwal nga ginbakwit bangod sa padayon nga pag-usok sang bulkan.

Bangod sini, ini man ang nakadawat sang pinakamadako nga numero sang food packs nga naglab-ot sa masobra 13,000.

Nagdanat na sa masobra P22.2-M ang balor sang humanitarian assistance ang ginpanagtag sang ahensya sa mga residente nga apektado sang paglupok sang bulkan.