Kapin sa 11,600 ka mga korporasyon ang yara sa peligro nga masuspende sang Securities and Exchange Commission (SEC) bangud sa indi pagsunod sa mga kinahanglanon sa pagreport.
Suno sa SEC, sa katapusan sang Oktubre, may 11,677 ka mga korporasyon nga wala naka-sumite sang ila mga annual financial statements (AFS) kag general information sheet (GIS) sa sulod sang walo ka tuig ukon halin 2015 tubtob 2022.
Dugang pa sang SEC nga ini sila yara sa pag-evaluate para sa posible nga pagsuspende sang ila certificate of incorporations.
Gin-athag sang SEC nga ang kada korporasyon, domestic ukon foreign man nga nag-operate sa Pilipinas, dapat mag-sumite sang AF kag GIS lakip na ang mga kinahanglanon sa pagreport kada tuig ukon mga panahon nga ginakinahanglan.
