Ginaawhag ni FO3 Christine Aragay, Chief Personnel and Training Unit ang mga katawhan sang siyudad nga likawan ang pagbakal kag pagpalupok sa palaabuton nga selebrasyon sang Bag-ong tuig.
Suno kay Aragay sa eklusibo nga interbyu sang Bombo Radyo Koronadal, dubduban na ang ila nga kampanya iwas paputok.
Ginathag man ni Aragay, nga gin hatagan ang mga manugbaligya sang palupok sang fire safety seminar agud mahibal-an ang mga requirements sa ila bag-o mag patindog sang ila pwesto.
Suno sini, ila ginrequire sa isa ka stall ang fire extinguisher, balde sang tubig kag lupa agud madasig maapula ang mga pwesto bangud “made of light materials” ang mga ini.
Kaangot sini, nagpahanumdom man si Aragay sa tanan nga dapat mangin mahalong kag sundon ang mga bawal himuon ilabi na sa mga panimalay agud malikawan ang ano man nga disgrasya.
In kaso man sang disgrasya kaangot sa sunog, magpalapit ukon mag tawag sa mga otoridad .
