Posible nga makaabot sa 215,400 ang mga kaso sang Human Immunodeficiency Virus (HIV) sa pungsod antes matapos ang 2024, suno sa Department of Health (DOH).
Sa sang DOH sang Domingo, naka-record na sila sang 131,335 ka mga kaso sa bug-os nga pungsod tubtob sa Septyembre.
Suno sa AIDS Epidemic Model (AEM), ang numero sang mga kaso sang HIV sa Pilipinas mahimo nga makaabot sa 448,000 sa 2030 “kon indi mag-padayon ang pagpugong kag mga interbensyon.”
Suno naman kay Secretary of Health Teodoro Herbosa, importante ang temprano nga pag-detect kag ang pagpraktis sang safe sex.
Dugang pa niya, Paagi lang sa kolektibo nga aksyon nga aton mauntat ang epidemya sang HIV sa pungsod.
Iya man ginapanawagan nga kuntani tanan nga katawhan sa pungsod mag bulig agud masiguro nga ang mga nagakinahanglan sini – ilabi na ang aton mga PLHIV kag iban pa nga mga grupo – mahimo nga maka-access sa mga serbisyo sa HIV nga wala sing kabudlayan ukon pag-insulto.
